أركانة ذرة في قلب البهجة

استعرض الموضوع السابق استعرض الموضوع التالي اذهب الى الأسفل

أركانة ذرة في قلب البهجة

مُساهمة  سعيد في الجمعة 10 يونيو - 20:03

من كثرة الحسد و البغض
اتجرأ الإجرام و لينا اتسرب
استنكروه الناس و الرب
قادر يكسر شوكة العقرب
المجرم مضى علينا نياب الكلب
و بدا فارواح الخلق يلعب
مجبول على السلب و النهب
باع و اشرى و خلق الرعب فقلوب لخلايق
ضامو الحال من راحة بلادنا اصبح متضايق
جا شعلها فتنة فبعض دقايق
بانت ليه البهجة فرحانة طاهجة
قال هذا المطلوب فيها نقضي حاجة
ما عرفناش المجرم كيفاش ظهر و منين جا
باع ضميرو و اصبح ما يسوا بين الخلايق حاجة
ظن راسوا قضى الغرض و اتقن الغرزة
و حنا صامدين و صفوفنا متعززة
فيما بينا متحدين و الخاين ما يكمليه رجا
المغاربة شعب من العارفين
ما تهزنا من الخونة هزة
تدق الباب تلقانا صامدين
أو فقلبنا لبلادنا معزة
ما يهزنا ريح الغير
واخا يركز ميات ركزة
فطريق التنمية سايرين
ما تدوم علينا حزة
فجامع الفنا تروات كتوب كتبشر
مراكش بصلاحها ماشي همزة
من قصدها بالشر جبد على راسه الويل
بنيتنا و نية الصالحين
يحصل و تجيبوا عجاجة
كلنا على بلادنا غايرين
دينا هادشي باش جا
خاصك تعرف يا وجه الويل
أركانة درة فقلب البهجة
ربي إيدير لينا تاويل
من امثالك و تفاجى


28/04/2011
مــراكــش ميلود كريم العلويي

avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى