رسائل المهبول في القول المزجول / رسالة مهبولة /

استعرض الموضوع السابق استعرض الموضوع التالي اذهب الى الأسفل

رسائل المهبول في القول المزجول / رسالة مهبولة /

مُساهمة  سعيد في الجمعة 3 أغسطس - 2:14

نفولة فيها فولة //// حجاية الغولة //// و الرسالة مهبولة //// زجلية مزجولة ////
من سبت قنفودة لسبت جزولة
//// //// //// //// ////
عنواني من الأدب الساخر للمبدع القدير أنور خليل
و بن بالهيل // قهوة بقعقلة //
أنا كتبت المعقول و هم قالوا نتفلة
غرايب شلا مع قوم قلة
نخش في الموضوع و المبدوع ماهو مصنوع
الأصل تتبعه الفروع
داك النهار جانا خبر منبر بالجوار دار فينا عار
ضربنا ليه الطر في الدوار
و اليوم الناس تقول حشومة و أنا أقول كون حشوم يا المشؤوم
الحلتيت يزوروه بالثوم و الروم كحول و كروم
مفهوم
ياك هداك واش نسيتي راني مفكداك دوك دواك فهمني عفاك
الأخبار
عيش نهار تسمع أخبار
الصدعة تكلم الوتار
و عار الجار على الجار
صدق من قال علمهم السعاية إسبقوك للدور الكبار
آرعاهم و آحسن الرعاية
البر للأبرار و الشر للأشرار
الغنى لا معنى لا ماية
هردازة بلا زبوقة بلا كتار
البير بلا سقاية
ما يوصل ماه للدار
إلى غابت العروس في السراية
شوف خوها في الحضار
بني و علي البناية
لا تدير الحيوط قصار
دوك اللي قدامي كانوا وراية
و اللي كبروا كانوا غير دراري صغار
و الفقيه اللي ألف الحكاية
كان محضار
الحر بالغمز يفهم لغايا
و العبد نغزوه بالمسمار
وا سبيطار و طار الفريخ طار
-----/----/---/
خطار ها البغلة ولدت حمار
وايني وحلة المهدي المنتظر بلا خبار آسبيطار و طار الفريخ طار
شوف سبحان من خلق و فرق في العقول و الرزق
و شكون إقول الحق شي أحمق
ياك إيد وحدة تسرفق و ما تسفق
و حقق
و قول حق الحق حتى نقول الحق
هاد الخزعبلات ديال برامج رمضان اللي متلفانا بهم لالة دوزيم واش إدارة الكتابة قالبة و لا دايرة نقابة و لا مقولبة
الدار خربة و اللي جاء يدخلها
أنا أبكي على حالي و أنت تظحك على نفسك
///////////////////////
سبق لي مع سبق الإصرار بدون ترصد
بهويتي قرميم سعيد
سعيد قرميم قال قولوا لدوزيم أعود بالله من الشيطان الرجيم
المجنونة سكنها ظليم مهموم بالدراهيم مدمدم و مخدم الدماديم
واش أعيباد الله ديك التكرفيسة اللي داير لدوك الجيران و ديك التفلعيصة اللي مفلعصة دوك بنات لالة منانة و زاد كملها و جملها دار الدوانة و شوه صورة الفنانة
الممتلين زينين عندنا عزاز و غاليين و اللي خرج ديك التخريجة راها عوجة فكرتني في واحد القصيدة قصتها قصة في الحي المحمدي الله يدكر الفنان المبدع القدير الزجال محمد موتنا صاحب ديوان تاغنجة
كتبت له قولوا للمعطي لا تحرت لا تواطي داب العاطي يعطي / تحياتي لأفندي صاحب ديوان المعطي
كتبت بالأمس قولوا لتاغنجة الله يسلكنا مسالك النجا
بعيني شفت الراجل داير مدجة بالكمانجة و الطعريجة و الركزة فين تبان خديجة - وسط البحر و الأمواج و ليت كيف الفريريجة
ما طالب لا لحم لا دجاج ها العار غير كريويجة
نقطة آرجع للسطر بزاف ديال النقاط عمر كاع السطور جار و مجرور نقولوا مشكور و الوسط خير الأمور
فرايم لالة دوزيم فيق يا النايم
نحل و دبان و طايب و هاري يا اللي ما عندوش السنان
را البيض را البيض را البيض المهرس من زمان ما يسوى ثمان
مع آحترامي لمسلسل حديدان
قصتي مع لالة دوزيم من 2003 الله أعلم واش دايرين لنا السحور لاطمينا باللطمة و الخيوبة و الكراهية واخ أنا ما كنهكرههاش و الغريب في الأمر هو أنني مبلي بيها ما كنشد غير دوزيم و اللي شادني ليها هو طاقم الأخبار أكن له التقدير و الإحترام و الوقار
سبيطار أنا راه ما شي 36 أنا راه تروى مليار تريبل مليون قدها بليون ترونت تروى ميل ما والوا أوالوا والو والو والوا هومالولوسيروا في أحوالكم و خلوا البوهالي يمشي في آهبالوا ما دار والوا عاش ما كسب مات ما خلى
و الرسالة دربالة ديال بوهالة
مرقعة كل رقعة من جه
4 باسفي / 3 بأكدير / 1 بالدار البضاء / 1 بمكناس هادوا 9 شي ما يعرف شي و الحبشي 15 كلشي 6 هاهم في كرشي لالة ميمونة ها العار جمعي كلشي قبل نمشي عند مول الشي راه ما قبلني لا الخيط البيض و لا الكابلي ديال السلك
شي سيناريست و لا شي منتج اللي ينتج أحسن فلم واقعي أبوا 15 عشر في 2012 ناديت كل واحد بآسميتوا و كلمت كل واحد لقيتوا و جلت في هد الأرض طول و عرض عيت و تلفت و هاني شديت الأرض قرميم سعيد بن عبد الله بن الثهامي من أمه فاطمة بنت مبارك العبدي الأسفي من مواليد 1963 /8 أبريل تابع دراسته الإبتدائية مدرسة الشيخ أبي محمد صالح بحي الكورس و قسم الشهادة الإبتدائية بمدرسة القليعة المختلطة بسيدي واصل و القسم السادس و السابع الأول و الثاني ثانوي أنداك بثانوية الهداية الإسلامية بقليعة سيدي واصل شاركت في المهرجان الأول لمدينة أسفي سنة 1985 بدور رئيس وفد الرحمانة و دور البوهالي في مسرحية سيدي محمد بن عبد الله و كان أستادي رحمه الله بوحميد خرجت للجولة جلت المغرب بإسره شمال جنوب شرق و غرب عدة مرات زاولت مهنة الحلقة أهوى المسرح و الكتابة شاركت في مهرجان الحلقة بسيدي بنور في كل دوراته و شاركت في مهرجان الناظور الناظور في لقاء مع العالم و في عدة لقاءات زجلية و نظمت مقاهي أدبية و أطرت عدة أطفال الأنشطة الترفيهية و الاناشيد التربوية بالمجان أخرها فضاء السوق النمودجية بلالة ميمونة الكناوية كتبت عن حبي لوطني و ناظلت من أجل وطني شاركت في مسيرة الأحد 18 ماي 2003 و في المسيرة المليونية للتنديد بالمنابر المعادية و كتبت عن شهداء الواجب الوطني من الشهيد حسن قريب إلى شهداء مخيم أكديم إزيك أحب وطني حتى النخاع عارف شي أسرار اللي وا ربما حاروا فيها ناس مثل عائشة قنديشة عالم السحر و الجن و و و و و و و و و و و و و و شلا ما يقال تزوجت عدة مرات 9 نساء زواج شرعي 15 أولاد و بنات مشتتين شي ما يعرف شي و باش نجمعهم صعيب علي زاوكت في دوزيم الله غالب الأحدات المغربية و اللي كتبت علي سعيد اللدي رفضه الموت ثلاث مرات ليقرر الحيات في غلطات غا لطف الله و فطنة السلطات راه كاين ولاد الناس فين ما مشيتي و لاكن يا خسار الخيب خسر الزين زاوكت في المحسنين طلبت سيدنا الله ينصروا و كتبت هدية للأمير مولاي الحسن و الرجاء في الله سعيد و ما عندي سعد و المطلوب ديالي هو نجمع أولادي باش يعرفوا بعضياتهم و الله يجيب شي مومن اللي يحقق لي هد الحلم و السلام قرميمي سعيد مضيوم مهموم تالف مغلوب العالم الله جاب الله هاد العالم ديال الأنترنيت لقيتوا نفاجي فيه همي كتبت تفاجيت و بوان نيت

avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى