نقلب نجمع شي كلام القديم نسيتو

استعرض الموضوع السابق استعرض الموضوع التالي اذهب الى الأسفل

كلماتي وليداتي نلم حريفاتي يرحموا على عضيماتي في حفرتي

مُساهمة  سعيد في الإثنين 2 ديسمبر - 13:38

شاهد دفتر الزوار و اكتشف كل يوم خبر..
خبر اليوم ....مع الصوم طلع لي الدم
مشيت تم نخمم جا عندي واحد المقمقم
قال مقدم و الله أعلم
غا جا و تزرمبلا ما يعلم
شتم و قال اش تم
قلت ليه ورقة و قلم
تصدم وقال لي نوض تكلم
قلت لمن المعلم
من كتافي شد من كثرة الغدايد
قال لسعادة القايد
و غدا نكمل ليكم و ننظم قصايد

avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

نجمع كلامي كان دايع

مُساهمة  سعيد في الإثنين 2 ديسمبر - 13:34

شحال قدنا نفوتوا العيوب شحال قدنا نبلعوا الملعوب اج امي نوريك دار خوالي. * لهلا يورينا فولادنا ميخلعنا. * ادعاوي بارشاوي. * عيطت على ديالي جاني عيطت على ديال الناس مشى و خلاني. * ما يحكلك هي ظفرك و ما يبكيلك غي شفرك. * مشات حليمة لمسيد ما صابتش احسن من اسعيد. * اللي كثرو همومو كثرو اعجوبو. * هده دار بونا والعبيد يخرجونا. * يلا بغيتي اتوحش صاحبك سلفو. * لكان الحمام يبيض لكان بيض قبابو. * اللي درقك ابخيط درقو بحيط. * اللي عندو باب وحدة الله يشدها عليه. * اللي ما عندو سيدو عندو لا لاه . * اللي فاتك بليلة فاتك بحيلة. * اما من هم تقراه ولا تراه. * تيدور الزرع حتى كيدور وكيرجع لعين الرحى. * يلا امشا الزين كيبقاو حروفه ويلا امشا المال كيبقاو خروقه. * الخير كيجلس والهم كيكمش. * كيدق ويقول شكون. * كيبيعو الارض ويضحكو على من شراها. * حرتا ولا ورثا ولا سير حتى... * بنت الدليل وبالثمن. * بحال اللي كيزيد لهودي لجامع. * الغربة كتلوح حتى لبلاد الشلوح. * شط الحرير حتى تلحسو بيه لمقالي. * ما يحس بالمزود غير اللي واكل بيه. * اللي دارها بيديه يفكها بسنيه. * قالو اشخصك يا لعريان قالو الخاتم يا مولاي. * نهيه نهيه ويلا اعمى سير وخليه. * ما بين اللقمة و الفم تيريد ويحكم. * لالا تيها وكلشي فيها. * الضحك كيفصخ البيع. * اللي حبك ما بنالك قصر واللي كرهك ما حفرلك قبر. * اللي تيكون اناني تيبقى وحداني. * اللي اربحتيه تاكله و الدين باش تخلصو ؟ * اللي ما جابتو المحبة ما تجيبو الحجارة. * اللي ما عندو هم كيولدوهلو لخدم. * اللحية مكترفد اللحية غير لقبر. * اليد اللي طعمتنا الحلال تيكونو ناسها قلال. * جيتي من البرية وابغيتي تاخد الولية. * خليني نبلع ريقي حتى نعرف عدوي من صديقي. * اطلع امساري
avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

نقلب نجمع شي كلام القديم نسيتو

مُساهمة  سعيد في الإثنين 2 ديسمبر - 13:32

سراق الزيت

و مخاخش البيت

حكمة السليت

و قواعد المبيت

و بوان نيت

.net

هاجوا البرا دير التنبر

و نقطة.آرجع للسطر

فاصلة ’ فسر

تعجب آ تعجب في المنظر

و بالخطر كتخبر

و الإستفهام ؟ علامة تحير

و السر و آجمع السراسر

فايقة راكدة تشخر

وخر و خر أخر أودي خرررررر

خمس شهر و هو يحفر

و لا من جاب خبر

ما بين الظهر و العصر

صلاة السر خشوع و خضوع و فكر

و المفكر إفكر

ما بين المغرب و العشاء

دير خنشة في خنشة

و عبر شبر و نبر

و ما بين الشفع و الوثر

خور و مغرآحفر و نبر

حثى للصلاة الفجر

؟ ؟ الثراب و الحجر

الأطنان ماشي القناطر

؟ ؟ ؟ كلشي آغبر على بو نبر

و خر أخر أودي خررررررررر

مكحلة بالعمى و مسوكة بالمر

و الحنة اوراق السدر

و شرطة جيب المسطرة و سطر .و نقطة آرجع للسطر

ذ الزن التق

ضربها تلسق

ديرها تصدق

و البق ما يزهق

لا ما خفت النافق

فورشيت و معلق

داروا خندق

و اللي آحماق حقق

البوراق علق

و باق بربلاق

فاق لقى نفق

و مليت الاقلام و شكواي للأوراق

لا للثعب آشكيت و لا للإراق

لاكن شكواي للمستور راها في للأعماق


هاد السبولة إلى ضاعت السر باق في الواق آسقي للأوراق
آسمع ووعى

مياتاين و سبعة مكركعة

صايكها بو صلعة

و البضاعة منوعة

سلاوي و كرعة

جناوي و باعة

و رعى الراعي و المرعي

في واد درعة

الحرب فنون و صنعة

البراز جنون و خدعة

و السر مدفون في قرعة

سجن سجان و مسجون

و الهاربون التسعة

وياو دابا نع دا با نع دابا نعا

وا نعينيعا واو آسمع آسمع

آسمع ووعى
avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى