أين هو آمتصاص غضب الشارع واش الوطن يخذل

استعرض الموضوع السابق استعرض الموضوع التالي اذهب الى الأسفل

أين هو آمتصاص غضب الشارع واش الوطن يخذل

مُساهمة  سعيد في الإثنين 16 يونيو - 16:27

مطيع لأوامر أولياء أمري
تأمروا عن أمري
أحببت وطني . هدا سري
اليوم جئتك منتداي الحبيب
لأغني أغنية وحلة واش من وحلة
وحلا واش من وحلة الوقت جفلت علينا جفلة ... واد الشر حمل علينا حملة
ما شدينا لا بحر ولا قبلة
هم داروها و نحن حصلنا فيها حصلة
هد القوم شراونا في سوق الكسيبة جملة
كلاونا وداروا فينا خبلة
شي فوروه . شي نصبوه . شي شواوه . و شي قلاوه في مقلة
و الشي الأخر كددوه و ضربوها بسقلة
و يا فكاك الوحايل فك هد الوحلة
عمرني ماريت السرتي رجع عجلة و الفيل هارب من نملة الغراف صطلة
مي العكوز بغات ترجع طفللة . زمان المرأة لا لا لا للرجلة
قوم قلة . كلاه الطعام شلا . و شربوا الماء قلة
لا عهد لا دين لا ملة
والعجايب العجايب
ومن العجب بقيت معجب اللي قال كلام الصح قلوا فيه يكذب
النحاس غطى على الذهب .و الثبر تباع رملة
و يا فكاك الوحايل فكهد الوحلة
قصتي اليوم هي قصة ليست ككل القصة
و تشبه ربيع القصص
أطعت وطني و أحببته و ناضلت علية
في الكثير من المناسبات
لا كنه خذلني ابتسمت و أبكاني
كان شيخنا زين غذروه المقدمين
وكان قيدنا من المتفهمين
حسدوه و بعدوه الشياطين
وما تبدل صاحبك غير بما كرف منوا
كانوا ناس المقام دراية و صلح و السلام وقت الخصام
عايشيين هانيين سالمين
العافية مزال ما طفات وممتازنا رش الرماد بالبنزين
أين هو امتصاص غضب الشارع
تصوروا كون جاني المقدم و قال هد البراكة ما تبقاش هنا أنا طائع كنت نمحيتها في دقيقتين
لا كنهم جاوا بجناواهم هدموا الخيمة و رزقي قطعوه أنا المحسنين هم اللي نقدوني من البيطالة و دوك جوج فرانك باش نعيش جات السلطة و فسدات لي رزقي كأن هي قطعت رقبتي و بالعنف واش نمشي نتشرد أو نصبح مجرم خلاوني الله الله عندي 17 ديال الأولاد تقليدهم عليهم حتى الغذ أمام الله
فين حقوق الناس و فين ديوان المظالم و فين حق المواطن
فين ما جاء في الدستور و فين المراقبين و الساهرين عن امن و أمان المواطنين الله يحفظنا من شي شيوخ و شي مقدمين مأمورين و الأمر من المتآمرين
من هم يا ثرى هؤلاء الخائنين و اللي بغاوا يكدرونا في و طننا و نحن له محبين ابناء الفدائيين المقاومين اللذين خلفوا لنا الحرية و الاستقلال لنعيش استعمار أخر من السلطويين المجانين

قصتي أنا حارس ليلي درت واحد البريريكة صغيرة لأحتمي فيها عن الحر و البرد
و كما اني جلت كل أقطار المملكة المغربية مدن و قرى ووجدت كل الحراس الليليين عندهم كيويك للحراسة و حتى في الرباط في كا المناطق الراقية حتي بالقرب من القصور و العمارات و الفيلات و في مدينة البيضاء لا تجد حارس ليلي بدون مركز الحراسة مكتوب عليه فلان حارس ليلي
و أما هنا في لالة ميمونة راه كاين دستور خر و حقوق خرى و واجبات خرى و لحبيب لوطن يعديوه معاه الهم في هد القرية كثير
من هنا نطلب من الله أن رسالتي تصل السيدة الشريفة المحترمة زليخة الناصري مستشار صاحب الجلالة الملك محمد السادس نصره الله يجي يحقق مع شي ناس هنا راهم بغاوا يخاصبموه مع شعبوا اللي كيحبوا
و أخيرا اللي جاء يبني راه كيريب و اللي جابوه يصلح راه كيفسد و اللي جابوه يعاطف راه كيخرف
فقر امة عداد ديال أرباب العربات قطع عليهم رزقهم عدد ديال العائلات شردهم و همهم و عداد ديال صحاب الموقف بيطلهم وأجي تشوف اللي جاء يدير خلا كلشي تعاطا التخدير حتى يدير الله ما يدير
الشيخ بالنيابة بعيني شفتوا في السوق من الطلابة
في الدروب من النصابة في القيادة من البوابة
كاش كاش نلعبوا حابة
واش ندير خلوي مخصص و نصبح نقنص و أنت في السوق العمومي تتخلص بين القياطن تتربص أنا مخلق ما شي مكلخ عقل ناقص
واش كون رسل لي الممتاز وقال ديك البراكة تزول من تم كنت غدي نعاود الهضرة كنت غادي نمحيها في دقيقتين و لاكنه غا جاء و دار شرع يديه و جبد موس بحال شي شمكار ما راعا لا لي لا نفسيتي لا لرزقي و اللي أنا غير مسلفوا و تصوروا دبا من ريبوها وداك رأس المال 2 ماركيز 2 وانستون 1 مالبورو 10 رايبي 20 حلوة ما يعيشوا حتى قرد و أنا بنادم و عايش منهم وجاوا فسدوا كلشي و خلاوني الله الله فين مشي للإجرام أو او أو أو أو
هويتي قرميم سعيد

كاتب زجال فاعل متطوع أحب وطني أهوى رايتي و الدليل مرروا الرسالة الإعلامية للمنابر المعادية للوحدة الترابية





أنا ابكي لحالي و أنت تضحك على نفسك

شلا ما يتقال و اللسان تقال










إضراب عن الطعام لا محدود

لا ماء لا كلأ
الدخان حتى يبان الحق من جمعية حقوق الإنسان

أرض الحكرة

أين امتصاص غضب الشارع
أين ما جاء به الدستور
أين العيش الكريم
أين التنمية المستدامة
أين حظر كل أشكال التمييز
أين التعليم دو جودة و سهل الولوج

أين حق التجمع و الاجتماع و التظاهر السلمي
أين هي حرية الفكر و الرأي و الحق في الولوج للمعلومة
أقوم بواجباتي و أين هي حقوقي
أين هي الصحافة و أين هو الإعلام
أين ... و أين .... و أين
مجذوب القرية قرميم سعيد
www.magdoubkom.kalamfikalam.com
avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى