الرسالة الثالثة تبقى غزة و لو طارت معزة العالم من قديم خصاه نغزة

استعرض الموضوع السابق استعرض الموضوع التالي اذهب الى الأسفل

الرسالة الثالثة تبقى غزة و لو طارت معزة العالم من قديم خصاه نغزة

مُساهمة  سعيد في السبت 29 نوفمبر - 13:32

المنازل تتبدل
واش الحق گفا وأعطى ب الأدبار
حْلْفْ حلفا ما ظهر له أثـَرْ
واش الحق گـَفـَّا من زمان
قفلوا عسري ساروتو ما ف الحياة
مبداها الخير والشر . . . لأحرار والسْبَايا
العيب فينا بالأ طنان
لاَ لُغـَة مْوْحّـْدَة ولاَ مَايَة

يا حيرتي في بنادم واحد وُكَثـْرَة الأديان
ياك ذاك إنسان . . . وذاك إنسان
ياك هذاك لذاك مرايا
------------{ والعالم من قديم خصاه نغزةْ}
نغزنا و تنغزنا
و المنا غز اللي نغزونا عودهم حنا اللي نجرناه
هادا ب منغازوا ينغز
و لآخر ما يرض عليه
وا نغز
{النغازة, نغزوا نغزة
{, وضربوا الهمزة
’ بعزة قال لحمزة
{نقسموا الخبز ة,
{ونقلوا لكنزة
’ طارت معزة
{و اللي ذا شي داه


د وك المجاعيف ’ لعبوا لاما ليف
همزوا الهمزة و التاء تاه تاه

بو عميرة آعماه الخط يف
’ و بو رزة كرام الضيف
زلق وجا على عين قفاه

الدرعي صيداتو زلمزة
و السنور ساكت على خنزة
و دوك الحرازة
حرزوا حوتهم و صيدوا حوتنا
و قالوا حوت العنبر بالدولار و الأورو اشتريناه.

حكينا كمونا و الإبزار في المهراز دقي ناه

و قال المجذوب رحمه الله

.. دير الخير في الرجال و ترجاه

و لا درتيه في الشمايت غير نساه .

. أواه واه المجذوب غناه و وصلناه. .

قال رحمه الله

من جاور الجواد جاد بجودهم

و من جاور الأرذال خاب ظناه .

. من رافق برمة تطلى بحمومها-

و من رافق صابون جاب نقاه

من صاحب الأصحاب مشى في طريقهم

– ومن صاحب الكلاب الجهل بلاه

سيد الرجال هو خدمهم

و الدليل لا حد بغاه

خبز الشعير هو خميرتهم

و ماه قالوا عصرناه و شربناه

سر الكلام هو حديثهم

و كثير الأقدام قالوا مليناه

الحوت الحر هو فريستهم

و السردين قالوا مليناه

و أواه واه ..

المنشار قطع صباع النجار

والمطرقة طرقات المسمار

و قالت في الاخبار
راه راه و الغوث وراه

. و كون عرفنا العالم من قديم خصاه نغزة

كون شحال هادي نغزناه

و هنينا روسنا و هنيناه


العشية عشات و الليل راح
ما أحلى من الغا يدور ما بين الملاح
و الورد عطات ريحتوا يا حسرة و الذات مازالت حزينة
و الدم جف يا حسرة و الذات مازال حزينة
يا ناس ما نتوما ناس
يا الزاي دين المهموم في هموا و يا المعاونين الظالم على ظلموا
و يا اللي صغيركم في الغيرة و كبيركم في الحيرة
ربي موري المريرة يا ناس
غير بلاش زيادة في الهضرة
ذا العالم من قديم خاصاه نغزة
و العالم من قديم خاصاه نغزة
و نغز
نغزنا و تنغزنا و المناغز اللي نغزونا عودهم حنا نجر ناه
--------------------------------------------


وحرور الزمان إعلم

و كون ما كانت الملح ما تكونش البنة

حب الوطن من الإيمان يا مسلم

قلوبنا و أقلامنا فيها روح الغيرة و المواطنة

حروب الإرهاب و الدمار الخراب عندنا محرم

لا في الشرع و ألف ألاف الآلاف لا في السنة

هادوك شياطين بنادم

بغاوا إخلقوا في هاد العالم الفتنة

يحلوا و يحرموا غير وحدهم

الله ينزل عليهم اللعنة

ما عرفنا منين كنسهم

و شحال من حبة فديك الرمانة

شكون دخلهم بلادنا بلا ما يعلم

و منين جاتهم الفيزة باش فاتوا الديوانة


يتابع


عدل سابقا من قبل سعيد في الأربعاء 21 يناير - 12:35 عدل 1 مرات (السبب : رسائل المهبول و القول المزجول الرسالة الرابعة أ 4)
avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

المطلوب شباب طموح و جدي متطوع للإشراف و المساعدة

مُساهمة  سعيد في السبت 29 نوفمبر - 13:36

نطمح في شباب جدي و طموح للإنظمام لنا و التعامل معنا لإغناء المنتدى بطاقات محلية لنتعاون في صقل مواهبنا
و تقبلوا مني كامل التقدير و الإحترام
avatar
سعيد
Admin

المساهمات : 368
تاريخ التسجيل : 13/11/2008
العمر : 54
الموقع : www.magdoubkom.kalamfikalam.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى